Intel ја најави следната генерација на процесори. Осмата генерација Coffee Lake процесори, ќе биде последна со 14 nm архитектура. Ice Lake ќе бидe наследник на осмата генерација на Intel Core процесори и ќе користат 10nm технологија, вели Intel.
На 21 август ќе излезат Coffee Lake процесорите на Intel. Најавите и очекувањата се дека овие процесори ќе бидат последни со 14 nm технологија. Следниот процесор Cannonlake ќе биде 10 nm. Првата оптимизација на 10 nm ќе биде Ice Lake, според најавата процесорот ќе биде 10nm+. Што означува „+“ во објавата засега е нејасно. Дополнително, останува нејасно и која ќе биде разликата со Cannonlake 10 nm технологија.
Она што е извесно е дека доколку Intel ја следи досегашната практика, Ice Lake процесорите ќе излезат во 2018 година. Следно за Intel е излегување во продажба на i9 серијата на процесори.
Се чини извесно дека Intel ќе ја добие бoрбата со AMD за која компанија ќе го издаде првиот 10 nm десктоп процесор. Што се однесува до првиот 10 nm процесор, тој е веќе одамна излезен. Snapdragon 835 е првиот 10 nm процесор наменет за паметни телефони и таблет компјутери.
За 21 август Intel најави повеќе податоци за осмата генерација i7 8-јадрени процесори.
