{mosimage}Во месец Октомври на пазарот ќе се појави првиот двојадрен Intel Atom процесор. Првенствено наменет за малите лаптоп системи (notetops), како и мини десктоп системите (nettops), од овој процесор се очекува да донесе значителен скок на перформансите на системите базирани на него.
Работниот такт изнесува 1.6 GHz,
собирницата 533 MHz,
a 45 nm производствен процес
овозможи имплементација на 1 MB деллив второстепен кеш. Поддржана меморија е DDR2 533 MHz.
Потрошувачката на овој процесор е 8 W.
Процесорот ќе e достапен интегриран на матични плочи со Intel 945GC и ICH7 чипсети.
{mosimage}
Овие плочи, произведени во mini-DTX form factor (димензии 200×170
mm), содржат се што е потребно за
креирање на мини мултимедиски систем. Во 945GC чипсетот е интегриран GMA950 графичкиот акцелератор, а изборот на останатите
компоненти зависи од производителите на плочата.
Конкретно моделот ECS Atom 330 Dual Core P945GC располага со еден мемориски слот, што значи
максимални 2 GB меморија. По еден се и стандардниот PCI слот и IDE приклучокот, додека за SATA се предвидени два.
Флопито е изоставено, но тоа не би требало да го сметаме за недостаток. На задниот
панел приметуваме 4 USB порти, со опција за нивно проширување преку два
конектори на плочата за дополнителни лимчиња со порти. Класика: гигабитен мрежен,
сериски и паралелен приклучок. И неизбежните два PS/2 приклучоци за
глувче и тастатура.
{mosimage}
Аудио секцијата е со аналоген 6
канален излез, но на самата плоча има и конектор за лимче со S/PDIF интерфејс. Поради
тоа чуди и отсуството на DVI приклучок за монитор, покрај стандардниот D-SUB.
Особено поради филозофијата на
системите базирани на овој процесор – мултимедија, интернет, офис апликации и
сл.
Останува да видиме дали ова ќе
биде исправено во наредните модели на матични плочи.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
