Најпопуларната друштвена мрежа за споделување на фотографии, Instagram, е решена да го зачува својот бренд. Мрежата објави водич со кој на развивачите им наведува што смеат, а што не смеат да користат во своите апликации. Според новите правила, Instagram ги повикува луѓето да бидат креативни и да измислат уникатни имиња за своите апликации, со што забранува користење на „Insta“, „Gram“ и „IG“ како дел од името на апликацијата.
Дополнително, Instagram забрануваат користење на официјалното лого и користење на фонтот кој се користи во официјалната апликација. Наместо нив, дозволено е користење на било кое лого достапно на http://instagram.com/press/ во „Brand Assets“ делот.
Во моментот, тие правила ги нарушуваат неколку апликации како Luxogram, Instagrame, Webstagram,… и истите ќе мора да ги променат имињата во скоро време, инаку би бил блокиран нивниот пристап до сервисите на Instagram.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
