Мобилната апликација за споделување фотографии ги промени условите за користење за да можат да споделуваат податоци со Facebook. Instagram е во сопственост на друштвената мрежа, и можеби беше прашање на време кога ќе видиме вакво предавање на „информации“, како што вели Instagram.
Во промените се вели дека „се направени за да може Instagram да функционира подобро како дел од Facebook со тоа што ќе моќе да споделува информации помеѓу две групи. Ова значи дека може заеднички да се бориме против спамот, да детектираме грешки и проблеми во системот, и да изградиме подобри опции за секој, така што ќе разбереме како Instagram се користи“.
ТechCrunch пишува дека сега е прашање како Instagram ќе ги користи личните податоци на корисисниците, и покрај ветувањето од компанијата дека корисниците ќе продолжат да имаат повеќе контрола врз својата содржина. Instagram во своите услови вели дека ќе може да споделува лични податоци, како веб колачиња, логови, идентификатори на уреди, локација и информации за користењето на апликацијата со други огласувачи и бизниси, но тие партнери ќе го почитуваат правото на корисниците да одбираат каде да споделуваат содржина.
Можно е Г+ да е социјална мрежа број 1.