Додека дел од поголемите и популарните сервиси, како што се Vine, Flipboard и др. најавуваат свои апликации и поддршка за Windows Phone 8 паметните телефони, Instagram ги цензурира истите. Во моментот не постои официјална Instagram апликација за Windows Phone, ниту пак е најавена, но затоа постојат неколку клиенти кои досега добро си ја вршеа работата.
Дека Instagram ги бриши фотографиите прикачени од Windows Phone, откри Даниел Гери, автор на Instance апликацијата која претставува Instagram клиент за Windows Phone. Според неговиот твит, фотографиите што ги прикачувал за брзо време биле бришени од сервисот. Во понатамошната дискусија и испитување да не е проблемот во самата апликација, излезе дека проблемот сепак не е во апликацијата.
Evidently Instagram has little spies that watch every @WindowsPhone user and deletes their images after uploading. #onlythingicanthinkof
— Daniel Gary (@danielgary) July 30, 2013
Како еден од Windows Phone 8 корисниците и корисник на Instance, на мојот личен профил недостасуваат речиси половина од фотографиите, односно тие се поставени приватни и можам само јас да ги видам како сопственик на истите. За споредба, во продолжение е фотографија од мојот профил кога сум најавен и како изгледа јавно. Исто така, до фотографиите не може да се пристапи и преку линк.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
'Како еден од Windows Phone 8 корисниците и корисник на Instance'
Kako odi promenata od Android vo Windows phone 8 bidejki i jas planiram da go napravam toa? :)
Кога го земав WP8 телефонот малку зезнато беше на почетокот, бидејќи немаше апликации или беа развиени на многу ниско ниво. Сега веќе сите почнаа повеќе да вложуваат во развојот на WP8 апликации и подобро е… Особено сум задоволен од издржливоста на батеријата на телефонот, 3 дена тера без никаков проблем ако не се приклучуваш на 3G, пошто многу јади. Wi-Fi е океј.
На мене еве денеска ми стаса Samsung Ativ S и да ти кажам прилично сум задоволен од Windows Phone (после еден ден чепкање). Ги инсталирав скоро сите „core“ апликации и не ми недостасува многу Android. Можам слободно да кажам дека е многу побрз од андроид (имав Galaxy Nexus пред тоа) и супер работи (нема никаков лаг). А батеријата и јас се надевам дека ќе држи бидејки мислам дека Windows сам си ги исклучува непотребните сервиси што трошат батерија додека телефонот е во stand-by. Btw гледам дека си запознаен со оваа платформа , имаш некој предлог(замена) за Google Currents да ми кажеш? Благодарам
Не знам, не сум користел за телефонот некоја слична апликација. Може да почекаш Flipboard да искочи, ако ти врши работа, ако не разгледај низ маркетот :)
Ова значи дека instagram доаѓа на wp многу побрзо од очекувањата.
И да спремаат, не треба да значи тоа да ги избришат сликите што се прикачени од Windows Phone.