Ikea се подготвува да одговори на модерните барања на корисниците, кои се почесто сакаат помалку кабли во својот дом. За оваа цел новата колекција од Ikea ќе доаѓа со мебел подготвен за безжично полнење.
„Преку истражувања и посети дознавме дека корисниците мразат кабли несекаде. Загрижени се дека нема да го пронајдат својот полнач и дека уредите ќе им се испразнат. Нашите нови иновативни решенија нудат интегрирано безжично полнење во мебелот, кое ќе го направи животот поедноставен“, вели Џанет Скелмос од Ikea.
Технологијата која ќе ја користи Ikea е најчесто користената Qi Wireless, која ја користат најголемиот број од производителите на мобилни уреди, LG, ASUS, а постојат решенија и за уредите на Apple. Од Ikea најавуваат дека нивниот мебел ќе овозможува полнење и на моделите на Samsung. Новата колекција ќе биде достапна од април, најпрво во Северна Америка и Европа, но набрзо ќе биде достапна насекаде, јави Android Police.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
