Hyundai ќе произведува „Iron Man оклоп“

Јужнокорејскиот гигант во автомобилската индустрија Hyundai најави дека во блиска иднина би можеле да започнат со производство на егзоскелет со кој луѓето ќе можат да управуваат и ќе им овозможува да креваат товар од неколку стотици килограми.

Компанијата не бега од споредбата со Iron Man, дури и самите ја споделија сликата од филмот на својот блог. Креирањето на ваков егзоскелет најверојатно би имал примена во армијата, во фабрики и магацини или ќе им биде од корист на тимовите за спасување. Освен Hyundai на слична технологија работат и Audi, BMW и Panasonic, јави Verge.

Изгледа дека новиот егзоскелет е надградба на претходникот, кој беше наменет за лица со инвалидитет, а ќе помага да им овозможи повторно движење.