Заедно со HTC Desire 601 и HTC Desire 300, тајванскиот производител на мобилни телефони го претстави BoomBass додатокoт за паметните телефони кој овозможува одлични музички перформанси за телефоните со два предни звучници, вели The Next Web.
BoomBass го прави токму тоа што името го надовестува. Уредот е субвуфер кој со помош на вградениот засилувач ги репродуцира звуците со ниска фреквенција. BoomBass доаѓа и со сопствена батерија, што значи дека нема непотребно да ја празни батеријата на телефонот. Батеријата може да го напојува уредот околу 9 часа. Поврзувањето со телефонот е преку NFC, а звуците се испраќаат преку Bluetooth 3.0. Цената, датата на излегување и деталите за уредот засега се непознати, иако Engadget доаѓа до податок дека BoomBass ќе излезе во октомври.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
