Хрватскиот стартап UniqueMove сака да биде вашиот персонален тренер

Најголема предност на стартапот, основан од Свен Капуџија, Милош Провчин и Наталија Сировица, покрај персонализацијата на вежбите е можноста секоја од нив да ја направите дома без машини за вежбање. Апликацијата не се фокусира на исхраната, туку на самите вежби кои се презентираат преку куси видеа, но распоредот и репетициите кои ги прави секој корисник се дел од персонализираниот тренинг план. Покрај првичната податоци, секоја недела се собираат податоците од корисниците и се прави ре-eвалуација на тренинзите. Цената на сервисот е од 40 долари месечно за вежбање двапати во неделата, до 90 долари за пет вежби во неделата. За жал сервисот е достапен единствено со претплата преку PayPal што значи дека за најголем дел од македонските корисници останува недостапен.

„Во моментов најголем дел од работите со клиентите ги решаваме преку имејл, меѓутоа секој од нив ќе добие календар со распоред на тренингот, линкови до сите вежби кои го чекаат во идните недели, односно видео и инструкции како се прави вежбата, својата моментална физичка состојба – местоположба во табелите во зависност од висината, тежината, крвниот притисок, пулс, како и генерален опис на исхраната, односно што треба да јадат, а што да избегнуваат“, вели Свен Капуџија во интервју за Netokracija.