Корисниците не се задоволни со Windows 8 и се чини дека голем број од нив се заинтересирани за компјутери кои доаѓаат со Windows 7. Поради овие барања на корисниците, Hewlett Packard се одлучи на корисниците повторно да им ги понудат своите конфигурации со претходната верзија на оперативниот систем, Windows 7.
HP ја започна кампањата под мотото „Windows 7 се врати – заштедете 150 долари при купувањето на новиот PC“. На сајтот на HP сега е достапна нова опција која овозможува на корисниците да ги видат конфигурациите во зависност од оперативните системи. Се разбира за лаптопите и хибридните уреди со екран на допир, HP сè уште нуди Windows 8 оперативен систем.
Без сомневање Microsoft нема да биде задоволен од оваа реклама, уште повеќе бидејќи имаат проблеми да ги убедат своите корисници дека Windows 8 е подобар од претходникот. Се чини дека сепак Windows 8 ќе ја доживее истата судбина како Vista која и покрај тоа што беше понов оперативен систем не успеа да наметне кај корисниците и да го замени Windows XP.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Според мене,најдобар ОС би бил комбинација помеѓу практичноста и дизајнот на Windows XP и подобрената брзина кај Windows 7! Значи,Windows 7 со дизајн на Windows XP-ама да има можности за бирање на различни теми-слично како што е кај мобилните телефони!
А што прави Microsoft? Во бесомучна трка по пари и профит,тие само гледаат на корисниците да им подметнат нешто набрзина составено,наместо да ги прашаат за тоа што тие мислат и бараат,поздрав!