Хардвер од оваа недела – Нов iPad следната недела, Dell XPS 13 и 14 се убави, но скапи компјутери

Avatar img-thumbnail img-circle

во Хардвер

Минатата и почетокот на оваа недела немаат баш премногу нов хардвер. Најголем дел од вестите се поврзани со Apple и презентацијата на нови уреди најавени за 7 мај. Ова секако е одлична вест за сите љубители на хардвер, па следната недела ќе може да видиме повеќе интересни уреди. За да не бидат сите вести поврзани со Apple се погрижи Engaged кој минатата недела го објави својот преглед на Dell XPS 13 и 14 лаптопите.

Apple најави презентација за 7 мај

Производителот на iPhone, iPad, Mac, Apple Watch, најави настан кој ќе се одржи на 7 мај. Компанијата на поканите испрати слика од електронскo пенкало, што навестува дека фокусот е на iPad таблет компјутерите. Што друго ќе може да видиме ќе дознаеме за околу една недела. За потсетување на последната презентација која ја организираше Apple ни го претстави Vision Pro.

Некои од гласините навестуваат поголем модел. Во август 2023 година Bloomberg навести дека компанијата ќе претстави малку поголем 13 инчен iPad, кој би можел да доаѓа со OLED екран. Секако, уредот ќе доаѓа со новиот M3 процесор. Сепак, Bloomberg оваа недела објави дека iPad Pro би можел да биде и првиот уред сo М4 процесор.

Веројатно е дека ќе има и нови iPad Air модели, а Verge сподели податок дека би можеле да видиме и поголем, 12,9-инчен iPad Air.

И iPad OS на листата на DMA

По iOS, App Store и Safari на DMA-листата на Европската Унија се најде и iPad OS. Ова значи дека Apple има шест месеци да го усогласи оперативниот систем за iPad со DMA правилникот. Комисијата која ја водеше истрагата за пазарот заклучи дека:

  • Бројот на деловни корисници  на iPadOS го надминува прагот на потребни корисници за 11 пати. Вкупниот број на корисници е блиску до минималниот праг, и се очекува наскоро да порасне.
  • Корисниците се „заклучени“ во iPadOS. Apple го користи екосистемот да ги обесхрабри корисниците кои сакаат да се префрлат на друг оперативен систем.
  • Деловните корисници се „заклучени“ во iPadOS поради неговата голема и комерцијално привлечна база на корисници и нејзината важност за одредена примена, на пример, апликациите за игри.

Со оглед на тоа дека е во иста категорија со iOS веќе знаеме добар дел од условите кои ќе треба да се исполнат. Дел од нив се на пример алтернативи на App Store и избор на прелистувач кој ќе биде замена за Safari.

Врз основа на наодите од истрагата, Комисијата заклучи дека iPadOS претставува важна порта (gateway) за деловните корисници да стигнат до крајните корисници и дека Apple ужива вкоренета и издржлива позиција во однос на iPadOS. Apple сега има шест месеци да обезбеди целосна усогласеност со обврските за DMA како што се применуваат на iPadOS.

Голем пад на продажбата на iPhone во Кина

Пазарот на паметни телефони во Кина полека се враќа во нормала, најголем дел од продадените уреди на листата се од кинески производители. Интересно, на првото место според уделот на пазарот во Кина е Vivo, по ова следат Honor и Apple.

На Vivо отпаѓаат 17,4 отсто од уредите, на Honor 16,1 отсто, а на Apple 15,7 отсто. На прв поглед уделот на пазарот на Apple не е лош, но компанијата всушност забележа пад од 19,1 отсто. Во првото тримесечје од  2023 година уделот на Apple на кинескиот пазар бил 19,7 отсто.

Source: Counterpoint Market Pulse Service

На листата се и Huawei кои забележа огромен раст од 69,7 отсто, Oppo и Xiaomi. Кинескиот пазар никогаш порано не бил олку конкурентен. Најпродаваните 6 брендови се во 3%.

„Гледаме бавно, но стабилно подобрување од недела во недела, така што моментумот може да се промени. Во второто тримесечје, додавањето на нова боја во комбинација со агресивна иницијатива за продажба може да го врати брендот на позитивна територија; и се разбира, чекаме да видиме какви ќе бидат карактеристиките за вештачка интелигенција на WWDC во јуни. Тоа има потенцијал да ја раздвижи продажбата подолгорочно.“, вели аналитичарот Иван Лам од Counterpoint Research. Тој смета дека Apple може да се опорави во вториот квартал.

Процената на експертите е дека трендот ќе продолжи во текот на 2024 година. Очекуваn e мал едноцифрен раст во 2024 година во споредба со 2023 година.

Dell XPS 13 и XPS 14

Dell XPS 13 и XPS 14 лаптоп компјутерите ги добија и првите прегледи. Оваа серија на Dell подолго време е на самиот врв кога се во прашање Windows лаптоп компјутерите, па секогаш сме заинтересирани да ѕирнеме како изгледаат најновите надградби.

За жал, ако им веруваме на првите прегледи нема премногу надградби во однос на претходниот модел кај XPS 13. Ова и не е лошо со оглед на тоа дека XPS е одличен, а и убав Windows лаптоп. Секако новиот модел е надградба, па така новата верзија на XPS 13 e стариот XPS 13 Plus модел со нов Core Ultra 7 чип. Ова се лаптопи во повисока класа, па за нив и цената е повисока. Dell XPS 13 (2024) чини 1400 долари, a Dell XPS 14 (2024) чини 1700 долари.

XPS 13 е супер пренослив уред. Доволно е малечок и лесен да може да се носи насекаде. Ова не е случај со XPS 14 кој е поголем и потежок, но и помоќен. Сепак за овој уред ќе биде потребен ранец, а не обична торба за рамо.


Издадени се бенчмарк тестови за двата лаптопи, и резултатите се солидни, но интересен е и хардверот кој беше дел од двата уреди. Двата лаптопи доаѓаат со Intel Core Ultra 7 155H процесор, 16GB RAM и 512GB SSD. XPS 14 доаѓа со дискретна графичка картичка Nvidia RTX 4050. Графичката не треба да израдува никого, двата лаптопи се далеку од соодветни за гејминг, иако XPS 14 е барем поднослив. Ако цената на основните модели изгледаше висока, на овие модели е уште повисока, XPS 13 моделот кој го тестираше Engadget чини 2400 американски долари. Ова е повисока цена од некои модели на MacBook Pro или MacBook Air.

PCMark 103DMark (TimeSpy Extreme)Geekbench 6Cinebench R23
Dell XPS 13
(2024, Intel Core Ultra 5 135U, Intel Graphics)
5,7721,0752,276/11,4901,662/10,298
Dell XPS 14
(Intel Core Ultra 7 165H,
Intel Arc)
6,7379,107 2,261/11,9201,662/10,298

„Иако XPS 14 е далеку од она што би го нарекол гејмерски лаптоп, неговата графичка картичка NVIDIA ми овозможува да играм Halo Infinite во 1080p со средна графика на 40 fps. Тоа не е баш моето идеално искуство со Halo, но еј, може да се игра. За споредба, графичката картичка на Intel Arc на XPS 13 едвај успеа да издржи 25 fps. Графичкиот процесор RTX 4050 е главно корисен за креирање медиа фајлови. На XPS 14: можев да користам Handbrake за транскодирање на 4K клип во 1080p за 26 секунди, додека истата задача траеше 36 секунди на XPS 13.“, вели Девиндра Хардавар.

Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!

basic

членство

42 ден./мес

зачлени се

1337

членство

125 ден./мес

зачлени се
* плаќањето е на годишно ниво

Доколку веќе имаш премиум членство, најави се тука.

Добивај известувања
Извести ме за
guest
0 Коментари
Inline Feedbacks
View all comments
види ги сите огласи на kariera.it.mk