Иако изгледаше дека Valve заврши со најавите за овој месец по најавата на контролерот за Steam конзолата, гејмерите конечно го дочекаа тоа што сакаа да го слушнат од компанијата. На 29 септември Valve поднесе барање за патентирање на Half-Life 3 во Европа.
Наследникот на една од најпопуларните игри Half-Life 2 е долго очекуван од фановите. Претходникот излезе во 2004 и доби дури 39 награди за „Игра на годината“, а беше прогласена и за игра на деценијата. Иако ваквите барања за патент може да останат и нереализирани, сепак вистинска реткост е ваква најава да дојде директно од Valve. Half-Life 3 е во изработка заедно со Left 4 Dead 3, јавува IGN. Ако веста се покаже точна, голема е веројатноста дека Half-Life 3 ќе дојде заедно со конзолите на Steam.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
