Група ентузијасти и експерти за обивање на брави, одлучи да и одржи лекција на американската Агенцијата за безбедност при транспорт (TSA). Федералната агенција неодамна дозна дека доколку имате единствен клуч – калауз кој ги отвора сите катанци, тогаш можеби неговото покажување и не е најпаметната идеја.
Благодарение на 3Д принтер и слика објавена на Washington Post, експертите успеаа да креираат клуч кој ги отвора катанците кои препорачаа од TSA. Дополнително, CAD документ за печатење на клучот е достапен на Github, јави Wired. Клучевите не само што веќе се отпечатени туку се и испробани и успешно ги отвораат катанците на аеродромите.
Она што сега им останува на корисниците е да ги игнорираат препораките на агенцијата и наместо катанeцот кој агенцијата им го препорача, да земат и да си користат различен кој ќе биде побезбеден. Агенцијата препораките им ги испорача на повеќе производители, па наоѓање на безбеден катанец може да биде потешко отколку што изгледа.
OMG, it's actually working!!! pic.twitter.com/rotJPJqjTg
— Bernard Bolduc (@bernard) September 9, 2015
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
