Google+ постојано се надоградува благодарејќи на грешките на останатите друштвени мрежи и присвојувајќи ги нивните најдобри иновации. Најновата новина што Google+ ја презентираше е верификацијата на официјални профили, поточно профили на славни личности, следејќи го примерот на Twitter кој го користи истиот концепт веќе подолго. Како што реков, Google+ си позајмува тоа што е корисно.
Доколку се прашувате дали Google+ профилите на некои славни личности се навистина нивни, нивните имиња ќе бидат штиклиран со сиво знакче, кое ќе има за цел да означи верификуван профил. Google со овој потег продолжува да ја спроведува својата политика против лажните профили. За сега, верификацијата на официјални профили е достапна за познати и јавни личности, како и за оние кои се додадени во многу Google+ кругови. Според Вен Аи Ју, вработена во Google+, можноста за верификување на профили ќе биде достапно за поголем број на луѓе.
За да видите дали некој профил е вистински, со курсерот треба да поминете над сивото знакче, каде ќе ви се појави дека се работи за верификуван профил. Знакчето за верификација не се појавува во стримот или кога личноста коментира, за да се види треба да се отиде на профилот.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
