Турција очигледно нема намера да штеди кога станува се работи за образованието на своите млади граѓани. Турската влада планира амбициозна инвестиција за подобрување на образовниот систем, снабдувајќи 15 милиони ученици со таблет компјутери. Оваа инвестиција е дел од проектот „ФАТИХ“, кој има за цел да ги направи турските училиште да бидат во тек со технолошките трендови.
Турскиот министер за еконимија, Зафер Чаглајан ги посети американските градови Сиетл и Купертино за да се сретне со извршните директори на Apple, Intel и Microsoft. Во интервју тој изјави дека и Apple и Microsoft се заинтересирани да учествуваат во овој амбициозен проект, и дека тим од Microsoft ќе дојде во Турција за подобро да се запознаат со проектот. Г. Чаглајан изјави и дека постои можност Intel да отвори истражувачки центар во Турција, додека Apple би можеле да отворат производни капацитети за производство на iPhone и iPad додатоци.
Проектот Фатих ќе ги зголеми стандардите и квалитетот на образованието преку имплементирање на напредни технологии, како што е електронска табла, проектори, и постепено заменување на стандардните книги и учебници со електронски. Компанијата што ќе ја добие задачата да ги снабди турските ученици со 15 милиони таблет компјутери, ќе мора да ги произведува овие таблет компјутери во Турција.
Турција е втората земја, по Јужна Кореја, која планира да користи таблет компјутерите во образованието.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
