Пред претставувањето на новиот iPhone, од Google објавија дека во моментот има 500 милиони активни Android уреди, а секојдневно нивната бројка расте за околу 1,3 милиони.
„Денес е голем ден за Android… 500 милиони уреди се активирани, а преку 1,3 милион им се приклучуваат секој дeн.“, пишува Хуго Бара на својот Google+ профил.
Ова претставува добар напредок за компанијата, со оглед на фактот дека на Google I/O кој се одржа на крајот од јуни, г. Хуго соопшти дека има вкупно 400 активни уреди и секоја секунда се активираат по 12 нови Android уреди.
Тој, исто така, информираше и дека е вратена статуата на Jelly Bean (Android 4.1) кој во моментот баш и не е составен дел од многу уреди. Паметниот телефон Galaxy Nexus од Samsung и компјутерскиот таблет Nexus 7 од Asus, се едни од ретките што работат на оваа верзија на овој оперативен систем.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
