Во своето прво интервју на TechCrunch Distrupt по излегување на Facebook на берзата, што многумина уште го оценуваат како фиаско, основачот на друштвената мрежа, Mарк Закерберг рече дека изгубиле две години со форсирање на HTML5 наместо да се фокусираат на нативни Android и iOS апликации.
Објаснувајќи ја мобилната стратегија, и што научија од грешките до сега, Закерберг вели дека Facebook брендиран телефон е погрешен чекор бидејќи ќе привлече само 10 милиони купувачи, додека мрежата има над 950 милиони корисници. Според него, најдобар начин е да се креираат нативни мобилни апликации, оптимизирани за Android и iOS, кои ќе го понудат најдоброто корисничко искуство.
„Сакаме да изградиме систем кој ќе биде длабоко интегриран, колку што е можно повеќе, во секој популарен уред кој луѓето сакаат да го користат.“, вели 28-годишниот основач.
Во тој контекст, Закерберг најави дека, покрај веќе објавената нова iOS апликација, наскоро ќе се појави нативна Android апликација. Но, според него, ќе биде „готова кога ќе е готова“.
Интересно, вчера по интервјуто на Закерберг акциите на Facebook се искачија од 19,43 на 20,08 долари, но сепак се далеку од првичната цена од 38 со која Facebook излезе на берзата.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Закерберг??????
Да, Закерберг – http://www.forvo.com/word/mark_zuckerberg/