Vip ќе стартува втор Android натпревар

Во покана до медиумите Vip оператор најави дека утре, 13.09, „во рамки на одбележувањето на 5 годишнината на Vip, ќе биде објавен конкурсот за вториот Vип македонски предизвик за развој на локално применливи Android апликации…“.

Како што се сеќавате, Vip пред две години го стартуваше првиот македонски Android предизвик, а многу бргу потоа и One, што допринесе до развој на бројни .мк Android апликации. Секако од околу 300-те апликации пријавени на двата предизвика, мал број всушност беа доволно добри да се користат, но целта на двата натпревари беше да се мотивираат македонските програмери да креираат нешто што ќе се придонесе кон понатамошен развој на локални мобилни услуги.

Натпреварот ќе биде најавен утре, а сигурно правилата да бидат малку изменети за да се избегне негово хакнување. Во секој случај очекуваме уште подобри Android aпликации бидејќи две години подоцна од првиот натпревар паметните телефони се посекојдневно нешто, а програмерите се малку поупатени во како функционираат апликациите и целиот мобилен еко-систем.

Покрај Android предизвик, Vip ќе најави и „ексклузивна новина“ која претпоставувам е поврзана со неодамнешното активирање на 3G услугата. Ќе видиме утре.

Добивај известувања
Извести ме за
guest
0 Коментари
Inline Feedbacks
View all comments