Google додаде уште еден стартап во своето портфолио на компании кои развиваат вештачка интелигенција. По трошење на неколку милијарди долари за паметните роботи на Boston Dynamics и паметните домашни уреди на Nest, Google сега потроши 400 милиони долари за DeepMind, тригодишен лондонски стартап креиран од дизајнерот на игри и неуролог Демис Хасабис.
За технологијата на DeepMind не се знае многу, бидејќи на сајтот на стартапот има само дека работат на алгоритми за симулација, е-трговија и игри. Како што пишува Recode, AI експертите ја означуваат DeepMind како една од водечките играчи на полето на вештачката интелигенција. Во компанијата работат 50-тина луѓе и веќе во неа се инвестирало 50 милиони долари. За некои „DeepMind е најголемата независна компанија со фокус на вештачката интелигенција“. Но, по аквизацијата се очекува Google да ја инкорпорира нивната технологија во своите продукти, или пак да го искористи тимот на DeepMind за да развие свој супер-паметен пребарувач.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
