Google официјално го најави Bard, конкурентот на ChatGPT, во следните неколку недели ќе биде достапен за јавноста

Avatar img-thumbnail img-circle

во Вести

Image courtesy of Google

Конкуренцијата кај вештачката интелигенција само што започнува. Откако минатата недела во обраќањето до инвеститорите Google најави дека наскоро ќе ја претстави својата вештачка интелигенција, оваа недела добивме повеќе детали.

Сундер Пичај официјално го најави конкурентот на ChatGPT на почетокот на оваа недела во блог пост на Google. Google е претпазлив и барем засега „Bard“ e опишан како „експериментална услуга за разговорна вештачка интелигенција“. Услугата веќе е во „рацете“ на тестери во кои Google има доверба.

За поголема достапност за јавноста ќе треба да почекаме, но не премногу. „Bard“ според најавите ќе биде достапен за јавноста за неколку недели.

Ова беше најавено и на обраќањето до инвеститорите минатата недела. Пичај тогаш откри дека веќе започнале со тестови на некои од функционалностите. Претходно ставот на компанијата беше дека ако нешто тргне наопаку, додавање на вештачката интелигенција во пребарувачот е преголем ризик за репутацијата.

Дел од вработените во Google беа затечени откако во ноември OpenAI го претстави ChatGPT. LaMDA и Bard имаат слични можности како конкурентите, но Google не одговори веднаш. Ова можеби е и разбирливо со оглед на тоа дека ризикот е поголем за Google, отколку за помал стартап. Пребарувачот има репутација која може да биде нарушена ако прикаже несоодветни одговори. Ова се однесува на точноста, но и на тонот. Вештачката интелигенција тренирана на неселектиран материјал може да дава токсични или неточни одговори.

Одговорот на Google доаѓа во период во кој OpenAI и Microsoft се подготвуваат да ја предизвикаат доминацијата на Google во пребарувањето. Дел од експертите веќе предвидуваа дека ChatGPT ќе го замени Google како прва локација за пребарување. Сепак, се чини како помалку да забораваме дека вештачката интелигенција на Google не така одамна успеа да измами вработен во компанијата дека станува збор за самосвесна интелигенција.

Bard ќе нуди одговори од интернет содржина

Во моментов нема јавни податоци за можностите на Bard, но очекуваме да не е премногу далеку од ChatGPT. Една од предностите на вештачката интелигенција на Google ќе биде што Bard е поврзан на интернет и податоците кој ќе презентира се актуелни и релевантни. За разлика од ова ChatGPT има точни податоци единствено во периодот до кој е трениран.

Некои од примерите кои се споделени на блогот се „Како да планирам baby shower“, „Споредби на два филма номинирани за Оскар“, „Планирање за патување во Еквадор“. Уште едно прашање кое е споделено во примерите е „Кои се новите откритија на телескопот Џејмс Веб за кои можам да му раскажам на 9 годишно дете?“.

Во одговорите на ова прашање има податоци од 2023 година, нешто што во моментов не може да го дознаете со ChatGPT.

Нејасно е дали Google чувствува притисок од забрзаниот раст на ChatGPT и од конкуренцијата која би можела да се појави со интеграција на ChatGPT и Bing. Дел од аналитичарите сметаат дека ChatGPT го вклучил алармот во Google, па компанијата морала да побрза со својата вештачка интелигенција. Microsoft и OpenAI неодамна го продлабочија своето партнерство со нова повеќегодишна инвестиција вредна неколку милијарди долари.

За денес е најавен настан на Microsoft и OpenAI за кои иако нема потврда се шпекулира дека ќе биде со фокус на интеграцијата на вештачката интелигенција во Bing.

(Засега) Шпекулација за изгледот на Bing со интегриран ChatGPT

Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!

basic

членство

42 ден./мес

зачлени се

1337

членство

125 ден./мес

зачлени се
* плаќањето е на годишно ниво

Доколку веќе имаш премиум членство, најави се тука.

Добивај известувања
Извести ме за
guest
0 Коментари
Inline Feedbacks
View all comments