Google конечно го покажа интерфејсот на Google Glass

Вака изгледа преку „стаклото“, вели Google во своето ново видео во кое го покажа интефејсот на нивниот проект Google Glass. Се работи за футуристичките наочари со екран, проширена реалност и гласовно пребарување кои според Google ќе ни го револуционизира погледот врз светот.

Google уште пред година дена ги покажа овие неверојатни наочари, но освен тоа што го видовме ко-основачот Сергеј Брин како ги носи насекаде и едно фасцинантно демо, немаше многу детали за самиот интерфејс и како всушност се користат наочарите. Сега новото видео ни го октрива екранчето со проширената реалност кое изгледа навистина мало, но кое е доволно за да не го одвлекува вниманието од тоа што се случува пред вас.

Во моментов Google Glass се нуди на развивачите на апликации и „креативните и храбри индивидуалци“ во САД, но се уште нема најави колку ќе чинат такви наочари (прототипот Glass Explorer Edition чини 1.500 долари) и кога ќе бидат достапни да се купат. Интересно, за да се аплицира за прототип корисниците треба да напишат во 50 збора за што ќе го користата Glass и да ги објават на Twitter или Google+ со хаштагот #ifihadglass.

[youtube]v1uyQZNg2vE[/youtube]