Сакате да научите нешто повеќе околу аналитикa на интернет сообраќајот и Google Analytics? Доколку ве интересира мерењето и анализирањето на вашата содржина, која е најпосетувана и од кого, и ако сакате подобро да се запознаете со овој сервис кој се користи од 66 отсто од 10.000 најпопуларни сајтови, тогаш треба да се пријавите на новата Google-ова платформа за учење – Analytics Academy.
Академијата е наменета за сите почетници на кои им е потребен вовед во аналитиката и користењето на бројните ресурси кои се достапни на Google Analytics. После секое предавање, учесниците ќе се тестираат, а по завршувањето на курсот учесниците ќе добијат сертификат. Првиот курс ќе биде Digital Analytics Fundamentals и ќе започне на 8 октомври, а можете да се регистрирате овде. За повеќе детали погледнете го воведното видео.
[youtube]uPZSSdkGQhM[/youtube]
Овој курс кој ќе трае 3 дена содржи 22 лекции со времеетраење од 3 до 10 минути. Времето предвидено за негово завршување е 4 до 6 часа, а ќе вклучува:
- Преглед на моменталната состојба за мерење и аналитика.
- Основна методологија и техники на анализирање.
- Најдобри пракси за собирање релевантни податоци.
- Опис за изработка на добри концепти за мерење.
- Специфични примери и навигирање низ Google Analytics.
- Завршен испит за кој се потребни 80% за да се положи.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
