Google за два дена ќе ја претстави „новата димензија на Google Maps“. Но, овој возбудлив наслов е наменет да го одвлече вниманието од Apple кој најави дека ќе ги отфрли Google Maps од своите уреди и на своите корисници ќе им претстави сопствено решение кое ќе биде презентирано на овогодинешнaтa Worldwide Developers Conference.
Веднаш откако Apple ја закажа својата конференција, која секогаш привлекува огромно внимание бидејќи на неа Аpple ги претставува своите најнови уреди и сервиси, Google експресно возврати и започна да испраќа покани за настанот под име „The Next Dimension of Google Maps“ кој треба да се одржи на 6-ти јуни, само пет дена пред WWDC.
Сѐ уште нема точни информации за што станува збор, но се претпоставува дека се работи за подобрување на 3D прегледот и за интеграција со Google+ друштвената мрежа. Ќе биде интересно да видиме што имаат да понудат од Google, па недела подоцна и решението од Apple.
ММммм ми се допаѓа сето ова: ти(apple) ме напушти, но сега јас сум многу понеодолив(google) :)