Следната Google I/O конференција ќе се одржи од 15 – 17ти мај, следната година, објави Google на својот Developers профил на Twitter, додека во поопширното соопштение објавено на Google+, се вели дека настанот ќе се одржи во Moscone Center West во Сан Франциско.
Save the date! Google I/O ‘13 will be 5/15-17. Reg info coming in early ‘13. Meanwhile, revisit the magic: google.com/io #io13
— Google Developers (@googledevs) December 4, 2012
Ова е конференција која првично е наменета за програмерите, а со почестиот развој на продукти и сервиси од Google, истата стана главно место за нивно претставување. Секако, најмногу внимание се обрнува на оперативниот систем за мобилните телефони – Android, кој најверојатно новата верзија со кодно име Key Lime Pie ќе ја добие токму на овој настан.
Инаку, Google на овогодинешната IO конференција го претстави таблет компјутерот Nexus 7 со Android 4.1 Jelly Bean, Project Glass и Nexus Q. Повеќе за тоа што се случуваше на Google I/O 2012, можете да прочитате овде.
