Google ја купи Nik Software, компанија која стои позади Snapseed, iOS апликација за уредување на слики. Snapseed е една од пософтицираните апликации за уредување на фотографии која навлегува подлабоко во уредувањето, отколку обичните филтри на Instagram. Покрaј тоа, Snapseed по малку наликува и на Photoshop со опциите кои ги нуди за уредување на контрастот, балансот на бела боја, сатурацијата и сл.
„Со поддршка од Google, се надеваме дека ќе им помогнеме на милиони корисници да создадат одлични фотографии“, велат од тимот на Nik Software.
Сѐ уште не се јасни плановите на Google со овој сервис, но откако Вик Гундотра веста ја објави на својот Google+ профил, најверојатно од компанијата имаат планови истиот да го вградат во Google+. Исто така, Google го имаат и Picasa, што е само уште еден сервис каде што може да се интегрира Snapseed.
Snapseed има повеќе од 9 милиони корисници, победник е на наградата „iPad App of the Year“ за 2011 година, а во 2005 година компанијата која стои позади неа доби и ивестиција од Nikon Corporation.
[youtube]i9_MWOaI9fg[/youtube]
