Идејата на Google да претстави паметни очила кои сите ќе ги носат наиде на проблеми откако луѓето се пожалија за приватноста и ограничените функционалности. Но, една индустрија најде вистинска намена на Google Glass. Oчилата се покажуваат како успех во медицината каде започнува да има посериозни инвестиции.
Најголемо внимание го привлече стартапот Augmedix кој успеа да собере инвестиции од 16 милиони долари за подобрување на здравствените картони. Augmedix работи на електронска верзија на картоните која ќе бидат презентирани директно пред очите на лекарот. Ваквите картони веќе се на тестирање во пет национални болници во САД, јави FastCompany.
Друг стартап Pristine работи на малку понаква технологија поврзана со Google Glass, кои треба да им помогнат на хирурзите. Идејата е да се донесе лекар-специјалист во хируршка сала со кого хирургот би можел да се консултира во текот на процедурата. Pristine во септември собра 5,4 милиони долари.
Слични технологии без сомневање веќе и самите може да смислите речиси во секоја индустриска гранка. Сервисер на телевизори, авио-механичар, доставувач кој преку Glass ја добива новата дестинација и рутата до неа. Очилата очигледно имаат примена во индустриите, но Google се уште не може да го направи Glass поинтересен за обичниот корисник кој не е прменогу воодушевен од „проширената реалност“.
[youtube]gevMHo5xL2g[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
