Google го надгради сервисот за принтање преку облакот да биде достапен и на Windows. Сервисот на Google е корисен доколку сакате да испринтате нешто, а при рака ви е единствено вашиот Android паметен телефон, таблет компјутер или сличен уред.
Целта на Google е да го направи принтањето подостапно, поинтуитивни и покорисно. Покрај ова Google Print овозможува и споделување на вашиот принтер преку облакот за да дозволите пристап на другите корисници, но и со Google кој вели дека чува копија од документот се до моментот кога ќе се испринта. Ова, вели Google, е за да се осигура дека принтањето е успешно завршено. Засега услугата е овозможена за било кој принтер, но препорачани се Cloud-ready принтери.
За да ја користите апликацијата, потребнo е да имате инсталиран Google Chrome прелистувач. Принтањето преку облакот функционира на Windows XP, Vista, WIndows 7. Услугата е најпрактична за компании или училишта кои ќе можат да се поврзат со некој од своите принтери. Заедно со поддршката за Windows, објавен е и драјверот Google Cloud Printer кој овозможува принтање на документи директно од Windows апликации, пример Adobe Reader.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
