Омилената апликација на Стив Џобс, Flipboard, наскоро ќе ги донесе своите мобилни магазини и на Веб. Според Flipboard, Аndroid и iOS корисниците веќе креирале над 2,5 милиони персонализирани магазини кои ќе бидат понудени и на Веб преку HTML5 верзија.
Според Verge, веб верзијата на Flipboard ќе понуди динамично UI кое се прилагодува на големината на екранот, кое ќе ги распределува вестите и фотографиите соодветно, исто како што ги прикажува на таблет компјутер. Уникатното менување на страници ќе остане и текстот ќе се вчитува инстантно.
Flipboard стана популарна апликација бидејќи од старт понуди уникатна визуелна презентација на вестите, вклучувајќи ги и постовите од Facebook и Twitter. Подоцнежните верзии овозможија корисниците да си одберат содржина и со леснотија да си креираат убав персонален магазин. Најдоброто кај апликацијата е што не треба да сте програмери или дизајнер за да креирате убав блог, туку можете веднаш да имате визуелно прекрасен магазин кој ќе го споделите со пријателите и публиката која се гради благодарение на промоцијата од Flipboard. Ова лесно користење му дава на Flipboard предност пред блоговите, и со таков потенцијал воопшто не е изненадување што ќе се обиде да го освои Вебот.
