GitHub, кој претставува заедница на програмери кои ги споделуваат кодовите, пријавуваат грешки и им помагаат при развојот на софтверот, ги повикува владите и нивните институции да се приклучат во програмата GitHub and Government. Оваа програма сака да ги натера владите да се поврзат меѓу себе, да ги споделат своите начини на работа и да разменат знаења.
Дел од оваа програма вклучува и споделување на своите приказни за работење со отворен софтвер, отворени податоци и отворено општество. Како еден од примерите може да се издвои градот Чикаго кои ја имаат објавено својата приказна „Forking your city” во која се зборува за нивното искуство и објавувањето на податоци за патеките за возење на велосипед и слични информации, користејќи го сервисот OpenStreetMap.
Покрај тоа, во програмата на GitHub се вклучени и Владата на Велика Британија, Белата куќа и NASA. Повеќе за GitHub and Government можете да прочитате на government.github.com.
