Во изработка е игра која може да го промени начинот како се креираат отворените светови. Игра која „сама си живее, постои и надградува“ вели Бобан во новата епизода на емисијата за игри GG.mk. Се работи за No Man’s Sky која е процедурално генериран универзум, односно игра чиј алгоритам и играчи ја креираат графичката содржина, и чиј отворен свет, екосистемите, флората и фауната се генерираат пред играчот. Тоа што ја прави играта револуционерна е што играта не бара ресурси, туку поради процедуралното генерирање ја прикажува само таа содржина која е важна во моментот за играчот. „Дури ни луѓето што ја прават играта не знаат што генерира играта“, вели Данко. Но, Гораст беше резервиран за играта, не поради новиот концепт, туку бидејќи на играчите им е важен гејмплејот, не тоа што се случува во позадина.
Покрај No Man’s Sky, во четиринаесетата епизода на GG.mk се рецензираше и Subnautica, и амбициозен хардвер кој беше претставен на Consumer Electronic Show 2015.
[youtube]SB7h66l1x-Q[/youtube]
