Game Developers Conference во потполно дигитално издание во август

Пред некое време пишувавме за Game Developers Conference (GDC) 2020, и за фактот дека истата е одложена поради ситуацијата со коронавирусот COVID-19. Организаторите на конференцијата ги пренасочија ресурсите на GDC Summer настанот, кој ќе се одржи во август. И покрај фактот што постои надеж да се смират работите и настанот да може да се одржи како што истиот беше првично планиран, организаторите сепак одлучија истиот да се одржи во дигитално издание.

GDC 2020 е далеку од единствениот настан кој годинава ќе се одржи во дигитално издание – уште еден пример е Gamescom, а ги има и многу други. Пандемијата која е на светско ниво ќе влијае врз ваквите случувања кои се планирани за остатокот на годинава.

“Иако едвај го чекаме моментот кога ќе можат да се остварат средби лице в лице, продолжуваме со планот да го трансформираме GDC Summer во целосно дигитален настан, со цел да и служиме на заедницата”, велат организаторите.

“Огромен број на студија и развивачи на игри се префрлаат на работење на далечина и онлајн соработка, што не инспирира да ја адаптираме конференцијата и да ја доставиме истата во дигитален формат кој ќе е достапен за било кој што има интернет конекција. Ќе работиме напорно за содржината да е квалитетна, и да не ги изоставиме можностите за вмрежување кои се очекуваат на ваков настан.”

Иако во моментов нема информации за детали и за план за настанот, се очекува голем број од учесниците кои беа планирани за GDC сепак да одржат барем дел од панелите и дискусиите кои беа во план.

Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!

basic

членство

42 ден./мес

зачлени се

1337

членство

125 ден./мес

зачлени се
* плаќањето е на годишно ниво

Доколку веќе имаш премиум членство, најави се тука.

Добивај известувања
Извести ме за
guest
0 Коментари
Inline Feedbacks
View all comments