Samsung привремено ја запре продажбата и испораката на Note 7 телефоните и побара од корисниците да ги вратат купените уреди, но некои корисници не слушаат. Најновата приказна за проблеми со уредот доаѓа од Австралија.
Поради проблеми со батеријата експлодирал новиот Note 7 телeфон на корисникот кој на Reddit го користи името Crushader. Телефонот експлодирал во хотелска соба, а предизвиканата штета е проценета на околу 1.400 австралиски долари. Сопственикот својата приказна, заедно со сликите од уништениот телефон, ја сподели на Reddit.
„Мојот нов Note 7 се запали утрово додека спиев, беше приклучен и се полнеше. Телефонот е сосем уништен. Не можам ниту да ја отворам вратичката за SIM или SD картичката. Го користев оригиналниот полнач и кабел.“
Телефонот ги запали чаршавот, душекот и теписонот во хотелската соба. Од Samsung продавницата од Перт, Австралија од која е купен телефонот, му дале привремен уред и ветиле дека ќе ја платат штетата во хотелот.
