Фондот за иновации и технолошки развој ја објави листата на компании кои добија средства

Фондот за иновации и технолошки развој ја објави листата на компании кои се добитници на средства за реализација на своите проекти. Она што може да се забележи е дека на листата има проекти од различна индустрија; пример земјоделие, ИТ, енергетика, биохемија, машинство.

Најголема вкупна сума за проект доби Дуна ДОО Скопје 64.111.949 денари за проектот Ултима вин. ДОКСТЕАМ ДООЕЛ за развој на МикроТИКА добија 43.356.720 денари; Фротирка компани АД за „Нова ера во индустријата за фротир производи“ доби 34.341.804 денари; Усјепор ДООЕЛ увоз-извоз за „ЕПС Иновативен развојноистражувачки Технолошки систем“ добија 34.341.047; МикроСАМ Прилеп АД за „Развој на систем за роботско полагање на терморекреативни, термопластични и суви ленти на рамни и просторно криви површини“ доби 30.433.990 денари. Дел од средствата се преку Сопствено кофинансирање, а дел ко-финансирање од ФИТР. Максималната сума од речиси 2о милиони денари само од Фондот ја добија: Усјепор; Инжинеринг ДАСС Охрид ДОО; ДОКСТЕАМ ДООЕЛ; ЛИОН ДОО; ФРОТИРКА КОМПАНИ АД; Иновејшн ДООЕЛ увоз извоз Скопје; Декодикс ДОО; Елисиум дооел и МикроСАМ Прилеп АД.

Компании од ИТ сектор

Што се однесува на секторот кој најверојатно е најинтересен за нас – ИТ, над 20 проекти се одбележани како ИТ. Иако еден дел од проектите кои се во други гранки би можеле да бидат впишани и во овој сектор.

• М-Букинг Софт ДОО увоз – извоз Скопје – Ајде на одмор
• Јавен адвертајзинг ДООЕЛ – ИТ Агро бизнис
• СТРАТУМ РИД ДООЕЛ – Следење на очи, кодирање на лице и неуромаркетинг
• ВЕБ ФАКТОРИ ДОО – Пендулибриум
• ТАРГЕТ ГРУП ДОО – Развој на модули на Бизнис Мрежа.мк – Развој на нов производ Credit Information Solutions
• Декодикс ДОО – Декодирај – ме
• Иновејшн ДООЕЛ увоз извоз Скопје  – ГЛУКО
• Книготека ДОО Скопје – Софтверска платформа за продажба на електронски книги
• ДОКСТЕАМ ДООЕЛ – Технолошки развој – МикроТИКА
• Вебглајдерс ДООЕЛ Крушево – WINETOURS.GURU – Платформа за љубители на
• Интерактив Гејминг – Local Business Ranker
• Кодвел Анлимитед ДОО Скопје со Издавачка куќа ТРИ (конзорциум) – ReadSpace
• Гигабел – Компјутерс ДООЕЛ Тетово Cloud Fiscal Menagement System
• ДПИУ Проген 3 ДОО – Брза комуникација на ризици по здравјето и безбедноста на работното место
• АРТХАУС ДОО – RecruitMe platform
• Зонел СОФТВЕР ДООЕЛ – Амбион 2.0
• Мобидониа ДООЕЛ – Креатор на админ панели
• Интелигент нетворк солушн ДОО – Virto scope иновативна платформа за примена на технологија
• Мак Аларм Сервис ДООЕЛ – Љупчо – Софтверско решение за контрола и наплата на паркинзи
• ДЕЛТА ПРОЕКТ ДОО Скопје – Софтвер за енергетска ефикасност
• Дуна ДОО Скопје – Ултима Вин

Ќе биде интересно да ги видиме реализираните проекти и секако корисноста која од нив ќе ја имаат граѓаните кои со свои средства (буџет) ги финансираат овие компании. Секако во периодот кој следи ќе се обидеме да ги претставиме проектите на сите ИТ компании.