Особено важно е да бидете во вашиот елемент и да успеете да ги извршувате бројните секојдневни обврски со полн потенцијал. Ако таквото нешто е важно при фокусирање, тогаш истото се чини двојно поважно кога ќе ставите крај на работата/ учењето и ќе пробате да се релаксирате и да спиете.
За многу луѓе, ваквото нешто е незамисливо без соодветна и квалитетна музика во позадина.
(Not Boring) Vibes е нова iOS апликација која ви сервира персонализирана музика кое е замислена да ви помогне да сте фокусирани и да се задржите во моментот. Следствено на тоа, апликацијата ги следи вашите активности и во зависност на нив, таква и музика пушта.
Па така, од арсенал од над 1000 примероци се влечат едни музички траки за фокусирање, други за релаксирање, трети за спиење, а четврти за вежбање. Сите траки се внимателно изберени или да ве правилно мотивираат да продолжите со работата/ вежбањето или пак да ве опуштат за посмирена сесија на одмарање.
Иако имате пробен период од седум дена, за понатамошно користење на апликацијата потребна е месечна финансиска посвета од 150 денари. Нема планови за нудење на апликацијата во Android околина.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
