<Надополнето> Mozilla го преобјави Firefox 16 поради безбедносен пропуст. </надополнување>
Mozilla вчера ја објави најновата верзија на својот прелистувач Firefox за Windows, Mac и Linux, а можете да преземете од официјалниот сајт. Во верзијата 16 нема многу голем број на промени, иако најзабележлива новост е вметнатиот PDF прегледувач.
Една од поголемите промени во Firefox 16 е поддршката за web apps (слично како кај Chrome), но ќе мораме да почекаме за да видиме како ќе го прифатат развивачите. Покрај тоа, во оваа верзија имаат интегрирано и инкрементиран „гарбеџ колектор“, за на софтверот да му овозможи лесно работење и без многу лагирање. Со ова подобрување, од сега Firefox ќе одговара побрзо на притиснатите кликови и копчиња, како и анимациите/игрите ќе имаат подобри перформанси.
За развивачите, верзијата 16 нуди неколку подобрувања, така што е обновена лентата со алатки за развивачите. Додадени се копчиња за брз пристап до алатките, бројач на грешки во веб конзолата и нова командна линија за брз пристап. Исто така, уште една новост која може да влијае на развивачите е имплементирање на претходно отворените датотеки во Scratchpad, неколку непрефиксирани CSS3 можности како што се анимациите, транзициите, трансформациите и стрмнина (gradient).
За Mac OS X корисниците од Mozilla имаат воведено VoiceOver поддршка, па така сега тие гласовно ќе може да пристапуваат до одреден дел од менијата, адресната лента и останатите елементи на страницата.
Повеќе можете да прочитате на блогот на Mozilla, а вашето мислење за новата верзија на Firefox можете да го споделите во коментарите.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Текстот вели дека нема многу промени, а потоа листа значителни промени. Не се само UI промените важни.
Ja povlekoa izgleda 16, nemozam da ja najdam na nivnata strana
povlecena e 16 poradi exploit so koj moze da se pregleduva istorijata na korisnikot dokolku poseti odredena strana
Нема PDF прегледувач во Firefox 16. Одложен е за некоја наредна верзија.
Треба да се активира менуално.
Може мануелно да се активира и во Firefox 15.
ChroNe?
Грешка во куцање, ќе биде корегирано. :)