Автономни комбиња на компанијата Sohjoa наскоро ќе започнат со превоз на патници во Финска. За разлика од останатите држави кои сè уште тестираат, Финска се надева дека сервисот ќе стане вообичаен превоз за патниците.
Финска овие тестови ги започна пред една година, а судејќи според одлуката се надеваат и на подолги линии. Првите тестови се возеа на линии од околу 400 метри и 12 патници во возилото. Оттогаш сензорите се напреднати, па може да се возат и подолги рути, јави ReadWrite.
Автономните комбиња ќе бидат достапни во најголемите шест градови во Финска. Возилата со кои се врши транспортот се EasyMile Ez10, дизајнирани во Државниот институт за технологија од Лозана, Швајцарија.
Доколку проектот биде успешен, Финска ќе биде првата држава која ќе има јавен превоз со автономни возила. Целата на проектот е да се направи јавниот траспорт поудобен, подоверлив и подостапен за жителите на Финска. Со ова би се мотивирале жителите на Финска да го намалат бројот на возила, а со тоа и сообраќајниот метеж.
