Facebook сега со лево навигациско мени, истакнати се фан страните

Facebook ги стартува за сите корисници најавените промени во интерфеjсот, односно, сега левото мени ќе се користи како навигација низ друштвената мрежа и фан страните.

Целта на оваа промена е да се истакнат апликациите и фан страните на кои корисникот е администратор за да се користат почесто и полесно да се држи будно око над нотификациите од страните.

Во новиот интерфејс се излистани четири дела: Favorites, Groups, Apps и секако новите Pages. Favorites групата ги содржи фидот за вести, пораките, настаните и пријателите, Groups ги содржи групите во кои корисникот е зачленет, а Аpps ги листа апликациите кои се користат заедно со нотификации врзани со нив.

Можеби една од поинтересните промени е секако Pages групата која ги содржи фан страните на кои корисникот е администратор при тоа објавувајќи ги веднаш и нотификациите поврзани со фан страната што го олеснува водењето на истата. До сега Pages беа излистани само под еден таб во левиот интерфејст, што беше скоро и неприметливо и лошо, бидејќи нотификациите од сите фан страни беа соберени на куп. Сега кога се излистани на лево е многу полесно да се пристапи до страните и да се следат нотификациите за секоја страна поединечно, што значи навремено администрирање и среќни фанови.