Друштвената мрежа размислува како децата помлади од 13 години легално да можат да отворат профил, пишува Wall Street Journal.
Во моментов возрасната граница на Facebook е 13 години, што, ако се земе в обзир каква се содржина се споделува на мрежата, е малку претерано ниска граница бидејќи помладите не се заштитени воопшто, ниту пак родителите имаат знаење да ги спречат да ја користат мрежата. Околу 366.800 профили од македонски корисници на возраст од 13 до 17 години ја прегледуваат истата содржина како и возрасните корисници.
Новата технологија би требало да им овозможи на помладите корисници да ја користат мрежата безбедно. Но, Facebook одбива да креира посебна верзија на мрежата на која ќе се цензурира содржина. Наместо тоа ќе воведе опции преку кои родителите ќе имаат поголема контрола врз профилите на децата, како на пример, да ги поврзе профилите на децата со профилите на родителите или пак секое користење на апликација да чека одобрување од двата профили.
Најголем проблем секако ќе биде способноста на родителите да користат нова технологија, всушност треба да се повешти од помладите и вешти „дигитални домородци“ за да може да им го контролираат користењето на мрежата. Користење Facebook за многумина кои никогаш не ја користеле мрежата може да биде поразително искуство со премногу содржина и сложени опции, и уште попроблематично ќе им биде да се снајдат да контролираат туѓ профил.
Facebook сè уште не е сигурен за дали ќе ја воведе опцијата за помладите корисници.
„Неодамнешни извештаи истакнаа колку е тешко да се воведат ограничувања на возраст на Интернет, посебно кога родителите сакаат нивните деца да имаат пристап до онлајн содржина и сервиси.“, вели друштвената мрежа за WSJ.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
