Facebook работи на алатка која на корисниците ќе им овозможи да пронајдат Wi-Fi во нивна близина. Алатката веќе им е достапна на дел од корисниците во одбрани држави, а засега нема прецизна најава за глобална достапност.
Алатката треба да им овозможи на сите корисници да останат поврзани со пријателите. Функционалноста на корисниците ќе им овозможи да пронајдат најблиска отворена Wi-Fi мрежа која можат да ја користат. Засега пронаоѓањето на Wi-Fi е достапно на iOS. Метју Навара од The Next Web ја забележа оваа нова опција на почетокот на неделата во Велика Британија.
NEW on Facebook – Find Wi-Fi pic.twitter.com/vAxPALishp
— Matt Navarra (@MattNavarra) November 22, 2016
Креирањето на функција која овозможува пронаоѓање на бесплaтен интернет е добра вест за корисниците од државите каде мобилниот интернет е скап. Дополнително ова е одлична вест за сите кои се надвор од матичната држава па Wi-Fi ќе им овозможи бесплатни разговори, па дури и споделувања на видео во живо.
За жал, ова може да значи и дека социјалната мрежа ќе ги води корисниците до небезбедни мрежи, па корисникот сам мора да се грижи за својата безбедност. Повеќе на тема безбедност на отворени мрежи, прочитајте на следниов линк.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
