Facebook ја претстави алатката Privacy Checkup, која ќе ви овозможи да извршите анализа на достапноста на вашите информации на друштвената мрежа и ќе ви го олесни процесот на поставување на правила за споделување на вашиот следен статус или фотографија.
Алатката е прилично едноставна, се состои од три чекори кои паралелно ви овозможуваат да прегледате со кого споделувате и по желба да ги измените опциите. Процесот ве води од сетирање на опција за споделување на статус, линк или фотографија па се до преглед на тоа кои апликации ви се поврзани со вашиот профил.
Пристапот до оваа алатка ќе биде преку иконата за приватност во горниот десен ќош.
Во момент кога приватноста на интернет е доста дискутирана тема заради украдените фотографии на Џенифер Лоренс, Кејт Аптон и другите ѕвезди, Facebook се чини дека го прави правиот чекор и им помага на корисниците да ја зајакнат контролата над своите податоци.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
