Graph Search на Facebook, кој го имате на горниот дел од страната, покрај луѓе, групи и локации, од сега ќе пребарува и коментари и постови. Пример, може да пребарувате постови поврзани со филм или серија; или да пребарувате постови од вашите пријатели од последниот месец. Но, како што веќе претпоставувате, пребарувањето за жал мора да биде на англиски, односно да пребарувате „posts written by my friends from last month”. Пребарувањето на коментари и постови постепено ќе биде достапно за сите корисници.
Ваквото пребарување, заедно со #хаштаговите, ќе му помогне на Facebook да ги задржи дискусиите на корисниците на мрежата во реално време додека се случуваат офлајн настани или има популарни ТВ шоуа. Пример, импресиите за крајот на Breaking Bad се споделуваа на Twitter и Facebook, а според мрежата, меѓу 80 и 100 милиони луѓе активно дискутираат на мрежата во „ударното време“ на телевизијата. Конечниот план на Facebook е да може да понуди тематски-таргетирани реклами додека се одвиваат тие дискусии, и да си ги зголеми приходите и профитот кој го очекуваат инвеститорите.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
