Вчера го најавивме, а денес Facebook ни претстави што граделе. На денешниот настан во Менло Парк, Facebook го претстави новиот метод за сортирање и конзумирање на информации. Новиот сервис е наречен „Graph Search“ и им овозможува на корисниците да добијат одговор за сè што постои на нивната мрежа.
Facebook ја замени горната лента и сега го содржи само логото на компанијата, и нуди ново и детално пребарување. Како што претпоставивме во најавниот напис, Facebook сака да го подобри пребарувањето, а во демонстрацијата беше претставено и како ќе работи според клучни зборови.
[youtube]SD951tHz38g[/youtube]
Резултатите од пребарувањето се подредени според тоа со кој најмногу комуницирате, а нешто подолу во листата со резултати ќе ги имате и личностите со кои имате заеднички пријатели. Graph Search ќе ви понуди брзо да ги пронајдете останатите, дознаете нешто повеќе за нив преку фотографии, места што ги посетиле и слично. Со Graph Search можете да пребарувате според локација, интереси, фотографии и луѓе. Неколку примери за пребарувања кои ќе можете да ги користите се People who like cycling, Photos before 2005, Photos of my friends in New York итн.Во моментот, Graph Search е во бета и не е достапен за сите. Доколку сакате повеќе да се запознаете со новиот начин за пребарување и да се пријавите на листата за чекање, посетете ја страницата https://www.facebook.com/about/graphsearch.
[youtube]9KpYENoi06M[/youtube]
