Само Кина и Русија од поголемите пазари се отпорни на Facebook. Таму владеат QZone, односно V Кontakte, ни открива Светската мапа на друштвените мрежи за 2012-та година, креирана од Винчензо Косенза.
Мапата која ни покажува дека Facebook е најпопуларна мрежа во 126 od 137 земји во светот, е направена со статистика од Alexa и Google Trends for Websites. Најголем број корисници Facebook има во Европа, околу 230 милиони, па во Северна Америка со 222 милиони и Азија со 219 милиони. Во Македонија пак, според платформата за реклами на Facebook, има околу 873.000 корисници.
Во останатите земји каде што не владее Facebook:
- Во руските територии се води битка меѓу Odnoklassniki и V Kontakte, мрежа која потсетува на Facebook бидејќи имаат исти инвеститори – Digital Sky Technologies.
- Qzone во Кина вели дека има 560 милиони корисници, Tencent Weibo има 337 милиони, а Sina Weibo има 334 милиони корисници.
- Во Иран е тешко да се пристапи Facebook поради цензурата.
- Во Виетнам и Латвија користат локални друштвени мрежи Zing и Draugiem.
Интересно, статистиката за Google+ не се појавува на Google Trends.
