Европа оди во облакот: До 2020 година треба да се вложат 45 милијарди евра

Европската Унија во својата стратегија сака да го забрза развојот на облакот, така што до крајот на 2020 година би можело да се отворат нови 3,8 милиони работни места и да оствари големи приходи.

Унијата ги предупреди владите и бизнисите да бидат подготвени до 2020 година да вложат 45 милијарди евра во облакот. Целта на ЕУ е до крајот на деценијата да оствари 900 милијарди евра БДП (бруто домашен производ) и отвори дополнителни 3,8 милиони работни места.

Услугите кои се нудат „во облакот“ овозможуваат голема заштеда во енергијата и софтверот за компаниите или владите кои имаат огромен број на податоци и на тој начин полесно ќе може да им пристапат и да ги обработуваат.

Уште во јануари е започната програма која ќе ги здружи сите проекти во облакот од земјите кои се членки на ЕУ и ќе развиваат заедничка стратегија за набавка. ЕУ тогаш стартуваше и сопствен софтвер за облакот во соработка со Optimus и финансираше 10,5 милијарди евра.

Европската комисија смета дека работењето во облакот е клучен елемент од планот за да се направи единствен дигитален пазар, во што првиот чекор би бил телеком операторите да се договорат околу стандардите за сигурноста, преносливоста на податоците и заштита на личните податоци.

“Europe needs to become the connected, competitive continent. The e-EU.”commentneelie.eu/speech.php?sp=…

— Neelie Kroes (@NeelieKroesEU) September 21, 2012