Европската комисија најави дека ќе држи будно око на обвинувањата од Mozilla и Google дека Microsoft го фаворизира својот Internet Explorer во Windows 8 RT. Оваа верзија на новиот оперативен систем ќе работи на ARM чипови и е наменета за таблет компјутерите.
Европа во 2009-та година му нареди на Microsoft да обезбеди линкови до други прелистувачи при инсталација на Windows, со што ќе обезбеди фер услови за конкуренцијата наместо да го фаворизира Internet Explorer кој доаѓа со оперативниот систем. Но, оваа одлука се однесува само на PC-ијата.
Затоа, Мozilla и Google стравуваат дека Microsoft сака да ќари на популарноста која ја имаат таблет компјутерите. Овој пазар сега е доминиран од iPad на Apple, и има понекој квалитетен Android таблет, што остава простор за влез на популарниот Windows 8.
За случајот се огласија и американските регулатори кои изјавија дека ќе започнат „прелиминарна истрага“ за случајот.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
