Eнџинот за развивање мобилни игри, Unity, сега е бесплатен за iOS и Android

Ако сте развивач на игри за мобилните платформи, имаме одлична вест за вас. Имено, Unity енџинот за развивање на игри од денес е бесплатен за iOS, Android и BlackBerry 10. Овие промени ги најави Дејвид Хилгејсон, основач и извршен директор на компанијата, во соопштение објавено на блогот на Unity3D.

Unity им помага на развивачите да создаваат 2D и 3D игри. Со помош на нивниот енџин се развиени Temple Run 2, Bad Piggies од Rovio и Dead Trigger 2. Лиценцата за користење на енџинот чинеше 800 долари, додека сега таа е бесплатна за сите развивачи. Г. Хилгејсон во своето видео зборува за промените во плаќањето и цената на софтверот е за да им помогне на развивачите и студијата.

Сепак, од компанијата ќе продолжат да нудат и Pro верзија од својот продукт кој ќе содржи дополнителни функции за аудио-визуелно подобрување, подобрување на 3D моделите и слично. Бесплатна верзија за Unity се очекува и за Windows Phone 8 и BlackBerry 10.

[youtube]5GcdsiNYYR8[/youtube]