Научници од Харвард креираа флексибилен автоматизиран екзоскелет кој ќе помагне да се завршат задачите кои вообичаено обичен човек не би можел да ги заврши. Принципот на работа на егзоскелетот, поддржан со 2,9 милиони долари донација од DARPA, е да ја следи работата на мускулите, притоа асистирајќи им. Технологијата која го овозможува ова е „структуриран функционален текстил“ кој овозможува силата да се пренесе во текот на движењето.
За разлика од останатите егзоскелети кои сме ги виделе досега, егзоскелетот кои го направија научниците на Харвард е флексибилен и овозможува зголемување на силата на корисникот за 20 отсто. Играчите на Crysis се сеќавааат дека нешто слично, но со далеку повеќе опции веќе видоа во играта.
„Всушност не забележувате дека системот ви помага, но кога ќе го исклучите ќе забележите дека нозете ви се тешки, значи телото ви се адаптирало.“, вели креаторот Конор Волш, кој објасни дека вака креираниот егзоскелет ќе може да им помогне на жртвите на мозочен удар побрзо да закрепнат, на работниците, пожарникарите и војниците да креваат поголем товар, на повозрасните како помагало за движење и уште мнoгу други начини на кои ќе помогне. Најголема предност на моделот на г.Волш е што за разлика од конкуренцијата која креира крути и тешки егзоскелети, oвој е еластичен и лесен. Сегашната верзија на костимот тежи само шест килограми, од кој наголемиот дел отпаѓа на батеријата и на моторот.
