{mosimage}Најпопуларниот сајт за онлајн аукции, eBay објави нова екстензија за интернет прелистувачите Mozilla Firefox и Internet Explorer која на корисниците им овозможува да селектираат разни продукти на некој веб сајт и директно да ги споредат тие цени со цените на eBay. Во алатката е вклучен и Skype, компанија во сопственост на eBay, со тоа што овозможува директно повикување од прелистувачите со помош на истата екстензија.
Екстензијата за прелистувачи го носи името Browser Highlighter, и засега е објавена само за Windows оперативните системи, додека верзиите за Mac се планирани во следните неколку недели.
Сегашната бета верзија заради анализирање на самиот почеток нема да работи на обични веб сајтови, туку само на интернет пребарувачите Google, Yahoo!, на Amazon.com и Nextag. Додека пребарувате, малечка икона ќе се појавува над резултатите која кога ќе ја кликнете ќе ви прикаже eBay страница со слични производи достапни на сајтот.
{mosimage}
За да го популаризира уште повеќе и својот сервис Skype и да се обиде да профитира од него, eBay го вклучува во оваа екстензија со тоа што апликацијата директно ќе препознава телефонски броеви и ќе ви овозможи да ги завртите само со еден клик.
Во оваа алатка во иднина, освен верзиите за Apple, планирани се и интегрирање и на PayPal и Stumle Upon.
Browsher Highlighter екстензијата е достапна на следниот линк.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
