Duo Bombs е првата видеоигра на македонското студио Noxon Games. Студиото е основано од двајца браќа, студенти на ФИНФКИ, Усамедин и Денис Нухији, кои велат дека работат на Duo Bombs активно веќе два. месеци. „Моментално работиме на подобрување на гејмплејот и дизајнот. Имаме уште една недовршена игра која планираме да ја довршиме понатака. Инаку ние сме активни гејмери, па затоа и влеговме во светот на правење игри“.
Играта е достапна на Google Play, а иако е едноставна, сепак е вистински предизвик. Како многу слични видеоигри и Duo Bombs наликува дека е инспирирана од Flappy Bird, иако станува збор за некаков спој на Flappy Bird и Temple Run. Ова најверојатно не е првиот „топ скролер“ што сте го играле, па најверојатно дел од играчите веднаш ќе ги препознаат правилата. Она што ја прави Duo Bombs различна и тешка е управувањето со двете бомби, со кои треба да ги избегнете препреките. Ова звучи поедноставно отколку што всушност е, бомбите се поврзани двете ротираат заедно.
