Dropbox денес ја надгради својата Android апликација со тоа што стави поголем акцент на мултимедијалната содржина. Оваа надградба доаѓа само еден ден откако ја претставија својата нова галерија, а од последните неколку ажурирања може да се забележи дека посветуваат големо внимание на споделувањето на фотографии.
Истите промени наскоро ќе пристигнат и за iOS платформата, додека се уште нема никакви информации за Dropbox за Windows Phone.
Промените во Dropbox 2.2 зa Android се:
- Воведување на јазичето за фотографии преку кое може да се пристапи до видео и фото содржината.
- Прикачувањата се преместени во менито во прелистувањето на датотеките.
- И еден куп поправки во позадината со цел подобро функционирање на Dropbox.
Dropbox можете да го преземете од Google Play маркетот.
